அமெரிக்காவின் நியூயார்க் நகரில் பரபரப்பான சாலையில் நிறுத்தப்பட்டிருந்த வாகனத்தில் இருந்து 13 கோடி ரூபாய் மதிப்பிலான தங்கத்தை அடையாளம் தெரியாத நபர் ஒருவர் கொள்ளையடித்த சம்பவம் பரபரப்பை ஏற்படுத்தியுள்ளது.

நியூயார்க்கின் மன்ஹாட்டன் பகுதியில் ஒரு வாகனத்தில் 86 பவுண்டுகள் எடை கொண்ட தங்க கட்டிகள் அடங்கிய பக்கெட் ஒன்றை, இருவர் கொண்டு சென்றுள்ளனர். பின்னர் பரபரப்பான சாலை ஒன்றில் வாகனத்தை நிறுத்தியுள்ளனர். அப்போது, அடையாளம் தெரியாத நபர் ஒருவர் வாகனத்தின் அருகே சென்று தங்கம் வைத்திருந்த பாக்கெட்டை எடுத்துள்ளார். பின்னர் சிறிது தூரம் அந்த தங்கம் அடங்கிய பாக்கெட்டை சுமந்து சென்று, அவருடைய காரில் வைத்து தப்பியுள்ளார். கொள்ளை போன தங்கத்தின் மதிப்பு 13 கோடி ரூபாய் என்பது தெரிய வந்துள்ளது. இந்த காட்சிகள் அனைத்தும் அங்கிருந்த கண்காணிப்பு கேமிராக்களில் பதிவாகியுள்ளது. தற்போது அந்த காட்சிகளை வெளியிட்டு போலீசார் கொள்ளையனை வலை வீசித் தேடி வருகின்றனர்.