சீனாவின் ஹுபேய் மாகாணத்தில் உள்ள பொழுதுப்போக்குப் பூங்காவில் ஒரே நிமிடத்தில் 18 உடைகளை மாற்றி மலேசியா நாட்டைச் சேர்ந்த மேஜிக் நிபுணர் புதிய கின்னஸ் சாதனை படைத்துள்ளார்.

சீனாவின் தேசிய தினத்தையொட்டி, ஒருவார காலத்திற்கு தேசிய விடுமுறை விடப்பட்டுள்ளது. இதனைமுன்னிட்டு, மக்களை மகிழ்விப்பதற்காக அங்குள்ள பொழுதுப்போக்கு பூங்காக்கள் பல்வேறு நிகழ்ச்சிகளுக்கு ஏற்பாடு செய்து வருகின்றன. அதன்படி, ஹுபேய் மாகாண தலைநகரான உஹான் நகரில் உள்ள 'ஹேப்பி வேல்லி' பொழுதுப்போக்குப் பூங்காவில் நடைபெற்ற நிகழ்ச்சி ஒன்றில் மலேசிய நாட்டைச் சேர்ந்த மேஜிக் நிபுணர்கள் அவேரி சின் மற்றும் சில்வியா லிம் ஆகியோர் இணைந்து, ஒரே நிமிடத்தில் 18 உடைகளை மாற்றி புதிய கின்னஸ் சாதனை படைத்துள்ளனர். மேடையில் தோன்றும்போது அணிந்திருந்த உடையுடன் சேர்த்து மொத்தம் 19 உடைகளில் தோன்றி அசத்தினர். ஒரே நிமிடத்துக்குள் நடத்திகாட்டிய இந்த சாகச நிகழ்ச்சி முந்தைய கின்னஸ் சாதனையையும் முறியடித்துள்ளது குறிப்பிடத்தக்கது.