ஆர்ஜென்டினாவில் தொடங்கியுள்ள Tango நடன சாம்பியன்ஷிப் போட்டியில் உலகின் பல்வேறு நாடுகளிலிருந்து ஏராளமானோர் கலந்து கொண்டு தங்கள் திறமையை வெளிப்படுத்தி வருகின்றனர்.

ஆர்ஜென்ட்டினா தலைநகர் Buenos Aires-ல் உலக Tango நடன சாம்பியன்ஷிப் போட்டிகள் தொடங்கியுள்ளன. நேற்று தொடங்கிய இப்போட்டிகள், வரும் 31ம் தேதி வரை நடைபெற உள்ளன. இதில் உலகின் பல்வேறு நாடுகளைச் சேர்ந்த 400 ஜோடிகள் கலந்து கொண்டு தங்கள் திறமையை வெளிப்படுத்தி வருகின்றனர். Tango நடனத்தின் பிறப்பிடமாக கருதப்படும் Buenos Aires-ல் மக்களின் உணர்வுகளை காட்சிப்படுத்தும் விதமாகவும், பழமையான நினைவுகளை வெளிப்படுத்தும் வகையிலும் நேர்த்தியாகவும், உணர்ச்சி மிக்க வகையிலும் பங்கேற்பாளர்கள் நடனமாடி வருகின்றனர். இதில், போட்டியாளர்கள் ஒருங்கிணைந்து சுழன்று ஆடும் திறனையும், கண்களின் நேர்த்தியான அசைவுகளையும் கொண்டு நடுவர்கள் மதிப்பெண் வழங்கி வருகின்றனர். இந்த நடனத் திருவிழாவில் உலகம் முழுவதிலும் இருந்து ஏராளமான Tango நடன ரசிகர்கள் பங்கேற்று ரசித்து வருகின்றனர். இறுதிப் போட்டி Usina del Arte கலாச்சார மையத்தில் 31ம் தேதி நடைபெற உள்ளது.