ஃபிலிப்பைன்ஸ் நாட்டில் ஆயுதம் ஏந்திய கும்பல்களால் 7 இந்தோனேஷிய மாலுமிகள் கடத்தப்பட்டுள்ளதற்கு இந்தோனேஷிய அரசு கடும் கண்டனம்
Jun 24 2016 11:00AM
எழுத்தின் அளவு:
அ +
அ -
அ
தென்கிழக்கு ஆசிய நாடுகளான இந்தோனேஷியா - ஃபிலிப்பைன்ஸ் நாடுகளிடையிலான கடற்பகுதியில், அடிக்கடி கடத்தல் சம்பவங்கள் நடைபெறுவது வழக்கம். இதன் தொடர்ச்சியாக, ஃபிலிப்பைன்ஸ் நாட்டின் Sulu கடற்பகுதியில், கடந்த 20-ம் தேதி ஆயுதம் ஏந்திய கும்பல்கள், இந்தோனேஷிய மாலுமிகள் 13 பேரை கடத்திச் சென்றனர். அவர்களில், 7 மாலுமிகளை பிணைக்கைதிகளாக சிறைபிடித்துள்ள தீவிரவாதிகள், 6 பேரை விடுவித்தனர். மாலுமிகள் கடத்தப்பட்ட சம்பவத்திற்கு கடும் கண்டனம் தெரிவித்துள்ள இந்தோனேஷிய அரசு, மிகப்பெரிய அளவில் வர்த்தகப் போக்குவரத்து நடைபெறும் Sulu கடற்பகுதியில் அமைதியை நிலைநாட்ட ஃபிலிப்பைன்ஸ் அரசு உடனடி நடவடிக்கை எடுக்க வேண்டும் என வலியுறுத்தியுள்ளது. முக்கிய வர்த்தக போக்குவரத்து வழித்தடமாக விளங்கும் Sulu கடற்பகுதியில் தொடர்ந்து நடைபெற்றுவரும் கடத்தல் சம்பவங்கள் பெரும் கவலையை ஏற்படுத்தியுள்ளதாகவும் இந்தோனேஷிய அரசு தெரிவித்துள்ளது.