பயங்கரவாதிகளை பாகிஸ்தான் முற்றிலுமாக ஒடுக்கும்வரை அந்நாட்டுக்கு மானிய உதவி வழங்கப்பட மாட்டாது என அமெரிக்கா திட்டவட்டமாக தெரிவித்துள்ளது. மேலும், முழு பணத்தையும் ஒரே நேரத்தில் செலுத்தினால் மட்டுமே F-16 ரக போர் விமானங்கள் வழங்கப்படும் என்றும் அமெரிக்கா நிபந்தனை விதித்துள்ளது. இதனால், பாகிஸ்தான் அரசுக்கு நெருக்கடி ஏற்பட்டுள்ளது.

தீவிரவாதிகளின் புகலிடமாக பாகிஸ்தான் இருப்பதாக அமெரிக்கா கருதுகிறது. இதன் காரணமாக தீவிரவாதிகளை ஒடுக்கி, பயங்கரவாத நடவடிக்கைகளை பாகிஸ்தான் முற்றிலுமாக தடுத்து நிறுத்தும்வரை அந்நாட்டுக்கு மானிய உதவிகள் எதுவும் வழங்கப்படாது என அமெரிக்க திட்டவட்டமாகத் தெரிவித்துள்ளது. மேலும், பாகிஸ்தானுக்கு F-16 ரக போர் விமானங்களை விற்பனை செய்ய ஒபாமா அரசு முடிவுக்கு, அந்நாட்டு நாடாளுமன்ற உறுப்பினர்கள் கடும் எதிர்ப்புத் தெரிவித்து வருகின்றனர். F-16 ரக போர் விமானங்களை கொண்டு இந்தியா மீது தாக்குதல் நடத்த பாகிஸ்தான் பயன்படுத்த வாய்ப்புள்ளதாக அமெரிக்க எம்.பி.க்கள் அச்சம் தெரிவிக்கின்றனர். இதன் காரணமாக, இந்த போர் விமான விற்பனை குறித்து கடுமையான நிலையை ஒபாமா அரசு மேற்கொள்ளத் தொடங்கியுள்ளது. பாகிஸ்தானுக்கு விற்பனை செய்யப்படும் F-16 ரக போர் விமானங்களுக்கு உரிய முழுத் தொகையையும் ஒரேநேரத்தில் செலுத்த வேண்டும் என்று நிபந்தனை விதித்துள்ளது. இதன் காரணமாக பாகிஸ்தான் அரசுக்கு நெருக்கடி ஏற்பட்டுள்ளது.