25 ஆயிரம் செல்போன்களை பயன்படுத்தி உருவாக்கப்பட்ட பிரம்மாண்ட கார் - தைவான் கலைஞர் சாதனை
Nov 3 2015 7:08AM
எழுத்தின் அளவு:
அ +
அ -
அ
25 ஆயிரம் செல்போன்களை பயன்படுத்தி கார் ஒன்றை உருவாக்கி தைவான் கலைஞர் சாதனை படைத்துள்ளார்.
வல்லவனுக்கு புல்லும் ஆயுதம் என்றால், கலைஞர்களுக்கு தூக்கியெறியப்படும் பொருட்களை கலை பொருட்கள்தான். அந்த வகையில், 25 ஆயிரம் செல்போன்களை பயன்படுத்தி கார் ஒன்றை உருவாக்கி இருக்கிறார் தைவான் நாட்டைச் சேர்ந்த Lin Shih-Pao என்ற கலைஞர். சுற்றுச்சூழலை பாதுகாக்க வேண்டும் என்ற நோக்கத்துடனும், தூக்கி எறியும் பொருட்கள் மீண்டும் பயன்படுத்தப்பட்டு, கலை படைப்புகளாக மாறுவதையும் உணர்த்தும் வகையில், இந்த நடவடிக்கையில் ஈடுபட்ட அவர், கடந்த 4 ஆண்டுகளாக உலகம் முழுவதும் சுற்றிவந்து பயன்படுத்தப்படாத ஆயிரக்கணக்கான செல்போன்களை சேகரித்துள்ளார். இதற்காக 30 ஆயிரம் அமெரிக்க டாலர்களை செலவழித்துள்ளார். பின்னர் இந்த செல்போன்களை கொண்டு அவர் பிரம்மாண்ட காரை உருவாக்கியுள்ளார். Lin Shih-Pao-க்கு இது முதல் சாதனை அல்ல. அவர் ஏற்கனவே ஒரு பொருட்களை கொண்டு கிறிஸ்மஸ் மரம் உள்ளிட்டவற்றை உருவாக்கி அசத்தியுள்ளார் என்பது குறிப்பிடத்தக்கது.