டெங்கு காய்ச்சலை கட்டுப்படுத்த, சீனாவில் தொடங்கப்பட்டுள்ள கொசு உற்பத்தி தொழிற்சாலை - உற்பத்தி செய்யப்படும் கொசுக்கள், நோயைப் பரப்பும் கொசுக்களைத் தாக்கி அழிக்கும் வல்லமை பெற்றது என தகவல்
Aug 4 2015 1:38PM
எழுத்தின் அளவு:
அ +
அ -
அ
டெங்கு காய்ச்சலை கட்டுப்படுத்த, சீனாவில் மிகப்பெரிய கொசு உற்பத்தி தொழிற்சாலை தொடங்கப்பட்டுள்ளது. இங்கு உற்பத்தி செய்யப்படும் கொசுக்கள், நோயைப் பரப்பும் கொசுக்களைத் தாக்கி அழிக்கும் வல்லமை பெற்றதாகும்.
சீனாவில், 20 ஆண்டுகளில் இல்லாத அளவுக்கு கடந்த ஆண்டு மட்டும் 47 ஆயிரம் பேர் டெங்கு காய்ச்சலால் பாதிக்கப்பட்டனர். இந்தநிலையில், டெங்கு காய்ச்சல் பாதித்த பகுதியில் கொசு உற்பத்தி தொழிற்சாலை தொடங்கப்பட்டுள்ளது. இந்த கொசுக்கள், நோயை பரப்பும் கொசுக்களைத் தாக்கி அழிக்கும் வல்லமை பெற்றதாகும். இத்தொழிற்சாலையில், வாரத்துக்கு 10 லட்சம் கொசுக்கள் உற்பத்தி செய்யப்படுகின்றன. இந்த கொசுக்கள், நோய் பரவும் பகுதியில் கொண்டுபோய் விடப்படுகிறது. இதனையடுத்து, இந்த கொசுக்கள், டெங்கு வைரஸை உற்பத்தி செய்யும் கொசுக்களை அழிக்கின்றன. இதன் மூலம் டெங்கு வைரஸ் கொசுக்களின் எண்ணிக்கை 90 சதவீதம் குறைந்துள்ளது. எனவே இதே முறையை சீனாவின் பல பகுதிகளில் நடைமுறைப்படுத்தத் திட்டமிடப்பட்டுள்ளது.