இத்தாலியில், பட்டாசு தொழிற்சாலையில் ஏற்பட்ட பயங்கர வெடிவிபத்தில் 7 பேர் பலி
Jul 25 2015 11:56AM
எழுத்தின் அளவு:
அ +
அ -
அ
இத்தாலியில், பட்டாசு தொழிற்சாலையில் ஏற்பட்ட பயங்கர வெடிவிபத்தில் 7 பேர் பலியாயினர்.
இத்தாலியின் தென் துறைமுக நகரமான Bari-யில், பட்டாசு தொழிற்சாலை செயல்பட்டு வந்தது. அந்த தொழிற்சாலையின் முன் நிறுத்தப்பட்டிருந்த வெடிபொருட்கள் நிரம்பிய வேன் ஒன்று திடீரென வெடித்துச் சிதறியது. இதனால் ஏற்பட்ட தீ, அருகில் இருந்த பட்டாசு தொழிற்சாலைக்கும் பரவியது. தொழிற்சாலையில் வைக்கப்பட்டிருந்த பட்டாசுகள் பயங்கர சத்தத்துடன் வெடித்துச் சிதறியது. இந்த விபத்தில் 7 பேர் உடல் கருகி பரிதாபமாக உயிரிழந்தனர். ஏராளமானோர் படுகாயமடைந்துள்ளனர். விபத்து நடைபெற்ற இடத்தில் அடர்ந்த வனப்பகுதி இருப்பதால், தீ பரவாமல் இருக்க முன்னெச்சரிக்கை நடவடிக்கையாக தண்ணீர் குண்டு வீச்சு விமானங்கள், அப்பகுதியில் தீவிர ரோந்து பணியில் ஈடுபட்டுள்ளன. இந்த வெடிவிபத்து குறித்து போலீசார் விசாரணை நடத்தி வருகின்றனர்.