உலகிலேயே முதன்முறையாக ஜப்பானில் ரோபோட்களுக்கு திருமணம் : இரு தரப்பிலும் பல ரோபோட்கள் விருந்தினர்களாக பங்கேற்பு
Jul 1 2015 7:43AM
எழுத்தின் அளவு:
அ +
அ -
அ
உலகிலேயே முதன்முறையாக ஜப்பானில், ரோபோட்களுக்கு திருமணம் நடத்தி வைக்கப்பட்டுள்ளது.
ஜப்பான் தலைநகர் டோக்கியோவில் மைவா டெங்கி என்ற நிறுவனம் தயாரித்துள்ள ரோபோட்களுக்கு, இசை, நடனத்துடன் அமர்க்களமாக திருமண நிகழ்ச்சி நடைபெற்றது. ஆண் ரோபோட் புரோயிஸ், பெரிய அளவில் இயந்திர மனிதன் உருவிலும், பெண் ரோபோட் யுகிரின், ஜப்பான் பொம்மை போன்ற வடிவிலும் உருவாக்கப்பட்டிருந்தன. மேலும், பெண் ரோபோட்டுக்கு திருமண உடையுடன் மணப்பெண் அலங்காரமும் செய்யப்பட்டிருந்தது. இந்த திருமண விழாவில், இரு தரப்பிலும் பல ரோபோட்கள் விருந்தினர்களாகக் கலந்து கொண்டன.
ஜப்பான் முறைப்படி, கேக் வெட்டி நடைபெற்ற திருமணத்தில், இசை நிகழ்ச்சியும் பிரம்மாண்டமாக நடைபெற்றது. இந்த மணவிழாவில், விருந்து நிகழ்ச்சியும் விமரிசையாக நடைபெற்றது. உலகிலேயே ரோபோட்களுக்கு திருமணம் நடத்தி வைக்கப்பட்டுள்ளது இதுவே முதல்முறை என்பது குறிப்பிடத்தக்கது.