சீனாவின் ஷாங்காய் நகரில் ஐந்து நாட்களுக்‍குப் பின் முதன் முதலாக மீண்டும் கடந்த 2 நாட்களாக கொரோனா பாதிப்பு கண்டறியப்பட்டுள்ளது.

சீனாவில் தினசரி கொரோனா பாதிப்பு இல்லை என்ற இலக்‍கை நோக்‍கி அந்நாட்டு அரசு பயணப்பட்ட போது, கடந்த சில மாதங்களுக்‍கு முன் ஒமைக்‍ரான் வகை கொரோனா பரவல் ஏற்பட்டது. இதனால் ஜிலின் மாகாணம், ஹாங்காங் மற்றும் ஷாங்காய் நகரில் தினமும் 30 ஆயிரத்துக்‍கும் மேற்பட்டோருக்‍கு பாதிப்பு கண்டறியப்பட்டது. இதைத் தொடர்ந்து ஷாங்காய் நகரில் கடந்த பல வாரங்களுக்‍கு முன் முழு ஊரடங்கு அமல்படுத்தப்பட்டது. மேலும், தினசரி கொ​ரோனா பாதிப்பு இல்லை என்பதை உறுதி செய்வதற்கு முன் ஊரடங்கு விலக்‍கிக்‍ கொள்ளப்பட மாட்டாது என சுகாதாரத் துறையினர் அறிவித்துவிட்டனர். இந்நிலையில், கடந்த 5 நாட்களாக தினசரி பாதிப்புக்‍கல் இல்லாமல் இருந்தது. ஆனால், 5 நாட்களுக்‍குப் பின் கடந்த இரண்டு நாட்களாக மீண்டும் கொரோனா பாதிப்பு கண்டறியப்பட்டு வருகிறது. நேற்று 637 பேருக்‍கும், இன்று 770 பேருக்‍கும் நோய் பாதிப்பு கண்டறியப்பட்டுள்ளது.