பிரிட்டனில் 40 ஆண்டுகளில் இல்லாத அளவுக்‍கு பணவீக்‍கம் அதிகரித்துள்ளதால் பொதுமக்‍கள் பெரும் பாதிப்புக்‍கு ஆளாகியுள்ளனர்.

கொரோனா பாதிப்பு மற்றும் உக்‍ரைன் போர் காரணமாக உலகம் முழுவதும் பொருளாதார நடவடிக்‍கைகள் பின்னடைவை எதிர்கொண்டு வருகின்றன. பிரிட்டனில் பணவீக்‍க விகிதம் கடந்த 40 ஆண்டுகளில் இல்லாத அளவுக்‍கு அதிகரித்திருப்பதால், ஏழை மற்றும் நடுத்தர மக்‍கள் பெருமளவு இழப்புக்‍களைச் சந்தித்து வருகின்றனர். அமெரிக்‍கா போன்ற வளர்ந்த நாடுகளில் உணவுப் பொருட்களை வாங்க முடியாத நிலையில் பொதுமக்‍கள் தவிப்பதும் சில இடங்களில் காணப்படுகிறது. இங்கிலாந்திலும் இதே போன்ற பொருளாதாரப் பிரச்சினைகள் எழுந்துள்ள நிலையில், பாதிக்‍கப்பட்ட ஒவ்வொருவருக்‍கும் அரசு உதவ முடியாது என பிரதமர் போரிஸ் ஜான்சன் ஏற்கெனவே அறிவித்துள்ளார். கடந்த 1980களில் பிரிட்டனில் நுகர்வோர் பொருட்களின் விலைவாசி விகிதம் கணக்‍கிடத் தொடங்கிய பின் முதன் முதலாக கடந்த ஓராண்டில் இந்த விகிதம் 9 சதவிகிதம் அதிகரித்துள்ளது.