ஐக்‍கிய அரபு அமீரகத்தின் அதிபர் ஷேக்‍ கலிஃபா பின் ஜாயத் அல் நஹ்யான் காலமானார். அவருக்‍கு வயது 73.

அதிபர் ஷேக்‍ கலிஃபா பின் ஜாயத் அல் நஹ்யான் உயிரிழந்ததைத் தொடர்ந்து நாடு முழுவதும் நாற்பது நாட்கள் துக்‍கம் கடைபிடிக்‍கப்படும் என்றும் இக்‍காலகட்டத்தில் கொடிகள் அரை கம்பத்தில் பறக்‍கவிடப்படும் என்றும் அதிபரின் நடவடிக்‍கைகளைக்‍ கவனிக்‍கும் அமைச்சகம் அறிவித்துள்ளது. இதே போல் அடுத்த மூன்று நாட்களுக்‍கு அனைத்து அரசு மற்றும் தனியார் நிறுவனங்கள் செயல்படாது என்றும் அந்த அறிவிப்பில் கூறப்பட்டுள்ளது. ஐக்‍கிய அரபு அமீரகத்தைத் தோற்றுவித்த Zayed bin Sultan Al Nahyan-ன் மூத்த மகனான கலீஃபா, அமீரகத்தின் 16வது அதிபராகப் பதவி வகித்து வந்தார். கடந்த 2014ம் ஆண்டில் பக்‍கவாத பாதிப்பு ஏற்பட்டதில் தொடங்கி உயிரிழக்‍கும் வரை பல்வேறு உடல் உபாதைகளால் அவருக்‍கு பாதிப்புக்‍கள் தொடர்ந்தன. இந்நிலையில், தற்போது அவர் தமது 73வது வயதில் காலமானதாக அறிவிக்‍கப்பட்டுள்ளது.