பில் கிளிண்டன் மருத்துவமனையில் அனுமதி - உடல்நலம் பாதிக்கப்பட்டு தீவிர சிகிச்சை பிரிவில் அனுமதி
Oct 15 2021 2:21PM
எழுத்தின் அளவு:
அ +
அ -
அ
அமெரிக்க முன்னாள் அதிபர் பில் கிளிண்டன், உடல்நலம் பாதிக்கப்பட்டு மருத்துவமனையில் அனுமதிக்கப்பட்டுள்ளார்.
அமெரிக்க முன்னாள் அதிபர் பில் கிளிண்டனுக்கு திடீரென்று உடல்நலக்குறைவு ஏற்பட்டது. இதையடுத்து அவர் கலிஃபோர்னியாவில் உள்ள இர்வின் மருத்துவ மைய மருத்துவமனையில் அனுமதிக்கப்பட்டார். 75 வயதான பில் கிளிண்டனை தீவிர சிகிச்சை பிரிவில் அனுமதித்து டாக்டர்கள் கண்காணித்து வருகிறார்கள். அவருக்கு செயற்கை சுவாச கருவி பொருத்தப்படவில்லை என்றும் அவருக்கு ஏற்பட்ட பாதிப்பு, முந்தைய இதய பிரச்சினை அல்லது கொரோனாவுடன் தொடர்புடையதல்ல என்றும் தெரிவிக்கப்பட்டுள்ளது. பில் கிளிண்டனுக்கு ரத்த தொற்று பாதிப்பு ஏற்பட்டதால் மருத்துவமனையில் அனுமதிக்கப்பட்டு உள்ளதாக தகவல்கள் தெரிவிக்கின்றன. அவர் பூர்ண குணமாகி, விரைவில் வீட்டுக்கு செல்வார் என மருத்துவர்கள் தெரிவித்துள்ளனர்.