விண்வெளிக்‍கு சுற்றுலா செல்வதை விட்டுவிட்டு, மனிதர்கள் வாழ்வதற்கு ஏற்ற வகையில் பூமியை மாற்றுவதற்கான முயற்சிகளை மேற்கொள்ள வேண்டும் என இங்கிலாந்து இளவரசர் வில்லியம் வலியுறுத்தியுள்ளார்.

அமெரிக்கவைச் சேர்ந்த பெரும் பணக்காரர்களான ஜெப் பேசாஸ், எலான் மஸ்க், ரிச்சர்டு பிரான்சன் உள்ளிட்டோர் விண்வெளிக்கு சுற்றுலா செல்லும் திட்டத்தை தீவிரப்படுத்தி வருகின்றனர். இதனால், விண்வெளி சுற்றுலாவை வர்த்தக ரீதியில் கொண்டு வருவதற்காக கடும் போட்டி நிலவி வருகிறது.

இந்நிலையில் BBC செய்தி நிறுவனத்திடம் இதுகுறித்து கருத்து தெரிவித்துள்ள இங்கிலாந்து இளவரசர் வில்லியம், விண்வெளி சுற்றுலாவில் கவனம் செலுத்துவதை நிறுத்திவிட்டு, மனிதர்கள் வாழும் பூமியை காப்பதற்கான பணிகளை முன்னெடுக்க வேண்டும் என தெரிவித்துள்ளார். மாற்றத்தை ஏற்படுத்த முனைபவர்கள், புதிய கிரகத்தை தேடாமல். மனிதர்கள் வாழ்வதற்கு ஏற்ற வகையில் நமது பூமியை மாற்றுவதற்கான முயற்சிகளை மேற்கொள்ள வேண்டும் எனவும் அவர் கேட்டுக் கொண்டுள்ளார். இங்கிலாந்து இளவரசரின் இந்த கருத்துக்‍கு, சுற்றுச்சூழல் ஆர்வலர்கள் பாராட்டும், ஆதரவு தெரிவித்துள்ளனர்.