ஈகுவடார் நாடில் சிறை கைதிகளிடையே ஏற்பட்ட பயங்கர மோதல் சம்பவம் - ஒருவரை ஒருவர் கடுமையாக தாக்கிக் கொண்டதில் 21 பேர் உயிரிழப்பு
Jul 23 2021 10:05AM
எழுத்தின் அளவு:
அ +
அ -
அ
ஈகுவடார் நாட்டு இரு சிறைகளில் ஏற்பட்ட கைதிகள் இடையேயான மோதலில் 21 பேர் உயிரிழந்துள்ளனர்.
ஈகுவடார் நாட்டில் சிறை கைதிகள் இடையே அடிக்கடி மோதல் ஏற்படுவது தொடர்கதையாகிறது. இந்நிலையில், குவாயாகு மற்றும் லட்டாகியூங்கா சிறைகளில் நேற்று கைதிகளுக்குள் மோதல் ஏற்பட்டது. இதில் 21 கைதிகள் உயிரிழந்தனர். 9 போலீஸ் அதிகாரிகள் மற்றும் 35 கைதிகள் காயம் அடைந்தனர். இதனை தொடர்ந்து, போலீஸ் படையினர் அதிரடி நடவடிக்கை எடுத்து நிலைமையை கட்டுக்குள் கொண்டு வந்தனர். லட்டாகியூங்கா சிறையில் இருந்து தப்பிக்க முயற்சித்த 45 கைதிகளை போலீசார் பிடித்து கைது செய்தனர். கடந்த பிப்ரவரியில் நடந்த மோதல் சம்பவத்தில் 3 சிறைகளை சேர்ந்த 79 கைதிகள் கொல்லப்பட்டனர் என்பது குறிப்பிடத்தக்கது.