பிரான்ஸில் கொரோனா பாதிப்பு குறைந்த நிலையில், பொதுமக்கள் இனி முகக் கவசங்களை அணிய கட்டாயமில்லை என்று அந்நாட்டு அரசு தெரிவித்துள்ளது.

ஐரோப்பிய நாடுகளில் ஒன்றான ஃபிரான்ஸ் நாட்டில், அரசின் தீவிர நடவடிக்‍கையால் கொரோனா தொற்று பரவல் வெகுவாக குறைந்து வருகிறது. இதனால் வரும் 20-ம் தேதி முதல் பல்வேறு தளர்வுகள் அறிவிக்‍கப்படும் என அந்நாட்டு பிரதமர் ஜீன் காஸ்டெக்ஸ் தெரிவித்துள்ளார். மேலும், யூரோ கால்பந்து போட்டிகள் நடைபெற்று வேளையில், தற்போது அமலில் உள்ள இரவு நேர ஊரடங்கால் ஃபிரான்ஸ் கால்பந்து ரசிகர்களுக்குப் பெரும் ஏமாற்றத்தை அளித்து வந்தது. இந்நிலையில், பிரான்ஸ் அரசு தளர்வுகளை அறிவித்துள்ளது. பிரான்ஸில் கொரோனா பாதிப்பு குறைந்த நிலையில், பொதுமக்கள் இனி முகக் கவசங்களை அணிய கட்டாயமில்லை என்று அந்நாட்டு அரசு தெரிவித்துள்ளது. அரசின் இந்த அதிரடி அறிவிப்பால், அந்நாட்டு மக்‍கள் உற்சாகமடைந்துள்ளனர்.

அமெரிக்கா, இஸ்ரேல், கனடா, தென்கொரியா போன்ற நாடுகள் தடுப்பூசி போட்டுக் கொண்டிருந்தால் முகக்கவசம் அணியத் தேவையில்லை என்று ஏற்கெனவே அறிவித்திருந்தது குறிப்பிடத்தக்கது.