அமெரிக்காவில் வணிக நிறுவனத்தில் அடையாளம் தெரியாத நபர் நடத்திய துப்பாக்கிச்சூட்டில் 8 பேர் பலி
Apr 16 2021 6:45PM
எழுத்தின் அளவு:
அ +
அ -
அ
அமெரிக்காவில் வணிக நிறுவனத்தில் அடையாளம் தெரியாத நபர் நடத்திய துப்பாக்கிச்சூட்டில் 8 பேர் கொல்லப்பட்டனர்.
அமெரிக்காவில் உள்ள இந்தியனாபொலிஸ் மாகாணத்தில் செயல்பட்டு வரும் ஒரு வணிக நிறுவனத்துக்குள் அடையாளம் தெரியாத நபர் துப்பாக்கியுடன் புகுந்தார். இதையடுத்து அவர் அங்கிருந்தவர்களை நோக்கி சரமாரியாக துப்பாக்கியால் சுட்டு தாக்குதல் நடத்தினார். இந்த தாக்குதல் சம்பவத்தில் எட்டு பேர் உயிரிழந்ததாக காவல்துறை தெரிவித்துள்ளது. தாக்குதல் நடத்திய அடையாளம் தெரியாத நபரும் தன்னை தானே சுட்டு தற்கொலை செய்து கொண்டதாக காவல்துறை தனது அறிக்கையில் குறிப்பிட்டுள்ளது. இந்த தாக்குதலில் காயமடைந்தவர்கள் மருத்துவமனையில் சிகிச்சைக்காக அனுமதிக்கப்பட்டுள்ளனர். அமெரிக்காவில் அதிகரித்து வரும் துப்பாக்கி கலாச்சாரத்தால் கடந்த ஒரே மாதத்தில் மட்டும் 30 பேர் சுட்டுக் கொல்லப்பட்டது குறிப்பிடத்தக்கது.