உலக அளவில் பாதிப்பு 1.26 கோடியை தாண்டியது : 5.62 லட்சத்தைக் கடந்த கொரோனா பலி எண்ணிக்கை
Jul 11 2020 10:29AM
எழுத்தின் அளவு:
அ +
அ -
அ
உலகளவில், கொரோனாவால் உயிரிழந்தவர்களின் எண்ணிக்கை 5 லட்சத்து 62 ஆயிரத்தைக் கடந்துள்ளது.
உலகம் முழுவதும் தொற்றால் பாதிக்கப்பட்டவர்கள் எண்ணிக்கை 1 கோடியே 26 லட்சத்து 14 ஆயிரத்து 84 ஆக அதிகரித்துள்ளது. கொரோனா வைரஸ் தாக்குதலில் இருந்து குணமடைந்தோர் எண்ணிக்கை 73 லட்சத்தைக் கடந்துள்ளது. 47 லட்சத்து 32 ஆயிரம் பேர் சிகிச்சையில் உள்ளனர்.
அமெரிக்காவில் ஒரே நாளில் 71 ஆயிரத்து 169 பேருக்கு கொரோனா தொற்று ஏற்பட்டுள்ள நிலையில், மொத்த பாதிப்பு 32 லட்சத்து 91 ஆயிரத்து 168 ஆக அதிகரித்துள்ளது. பிரேசிலில், பாதிப்பு எண்ணிக்கை 18 லட்சத்து 4 ஆயிரத்தைக் கடந்துள்ளது. பலி எண்ணிக்கை 70 ஆயிரத்தைக் கடந்துள்ளது. மூன்றாவது இடத்தில் இந்தியா உள்ளது. ரஷ்யாவில் வைரஸ் தொற்றால் பாதிக்கப்பட்டோர் எண்ணிக்கை 7 லட்சத்து 13 ஆயிரத்தைக் கடந்துள்ள நிலையில், 11 ஆயிரத்து 17 பேர் உயிரிழந்துள்ளனர்.