ஜப்பான் கடலில் நிறுத்தி வைக்கப்பட்டுள்ள 'டைமண்ட் பிரின்சஸ்' கப்பல் பயணிகளில் மேலும் பலருக்கு கொரோனா - நோய் தொற்றால் பாதிக்கப்பட்டோரின் எண்ணிக்கை 621-ஆக உயர்வு
Feb 20 2020 11:50AM
எழுத்தின் அளவு:
அ +
அ -
அ
ஜப்பானின் யோகோஹோமா துறைமுகத்தில் நிறுத்தி வைக்கப்பட்டுள்ள 'டைமண்ட் பிரின்சஸ்' கப்பலில், கோவிட் - 19 வைரசால் பாதிக்கப்பட்டோரின் எண்ணிக்கை 621-ஆக உயர்ந்துள்ளது. 15 நாட்களாக துறைமுகத்திலேயே நிறுத்தி வைக்கப்பட்டுள்ள இந்த கப்பலில் இருந்த பயணிகளில், 340 அமெரிக்கர்களை அந்நாட்டு அரசு தனி விமானம் மூலம் மீட்டுள்ளது. அமெரிக்கா, கனடா மற்றும் பிரிட்டன் நாடுகளைச் சேர்ந்த பயணிகளை, கப்பலில் இருந்து வெளியேற்ற இன்னும் 14 நாட்கள் ஆகலாம் என கூறப்படுகிறது. கப்பலில் சுமார் 3 ஆயிரத்து 700 பயணிகள் உள்ள நிலையில், சீனாவைத் தவிர்த்து, அதிக அளவில் நோய்த்தொற்று உள்ள இடமாக 'டைமண்ட் பிரின்சஸ்' கப்பல் மாறியுள்ளது.