ஈராக் நாட்டில் அரசு, அரசியல்வாதிகளுக்கு எதிராக போராட்டம் - போலீசாரின் துப்பாக்கி சூட்டில் ஒருவர் உயிரிழப்பு
Jan 27 2020 6:19PM
எழுத்தின் அளவு:
அ +
அ -
அ
ஈராக் நாட்டில் நடந்த போராட்டத்தின்போது போலீசார் நடத்திய துப்பாக்கி சூட்டில், ஒருவர் உயிரிழந்தார், 75-க்கும் மேற்பட்டவர்கள் காயமடைந்தனர்.
ஈராக்கில் கடந்த அக்டோபர் முதல் தேதியிலிருந்து அரசியல் கட்சிகளுக்கும், அரசியல்வாதிகளுக்கும் எதிர்ப்புத் தெரிவித்து பலகட்டப் போராட்டங்கள் நடந்து வருகின்றன. இதுவரை போலீசார் நடத்திய துப்பாக்கி சூடு மற்றும் கலவரங்களில் 500 பேர் உயிரிழந்தனர். இந்நிலையில், பாக்தாத் நகரில் நடந்த போராட்டத்தின் போது போலீசாரின் துப்பாக்கி சூட்டில் ஒருவர் உயிரிழந்தார். நசாரியா நகரில் அடையாளம் தெரியாத போராட்டக்காரர்கள் பல இடங்களில் தீ பற்றவைத்தனர். போராட்டக்காரர்களுக்கு எதிராக பாதுகாப்புப் படையினரின் நடவடிக்கையில் 75 பேர் காயமடைந்தனர்.