பறவைகளை நேசிப்பவர்களுக்கு புதுமையான அனுபவம் அளிக்கும் புதுவகையான உணவகம் ஒன்று, ஜப்பான் நாட்டின் தலைநகரான டோக்கியோவில் செயல்பட்டு வருகிறது. இந்த உணவகத்தில் ஆந்தைகளுடன் சேர்ந்து காபி மற்றும் குளிர்பானம் அருந்த வாடிக்கையாளர்களுக்கு வசதி செய்துதரப்பட்டுள்ளது.

மாயாஜால கற்பனை கதையில் வரும் ஹாரிபாட்டர், ஆந்தையுடன் சேர்ந்து சாகசம் புரிவதுபோல் நமக்கும் ஒரு வாய்ப்பு கிடைக்காதா என்று நினைப்பவர்களின் ஏக்கத்தைப் போக்கும் வகையில், கடந்த 2012-ம் ஆண்டு ஜப்பான் நாட்டின் தலைநகரான டோக்கியோவில் "ஆந்தைகள் உணவகம்" தொடங்கி செயல்பட்டு வருகிறது. "Fukuro no Mise" என்ற பெயரில் இயங்கும் இந்த உணவகத்தில், சுமார் 30 ஆந்தைகள் இடம்பெற்றுள்ளன. இவற்றுடன் சேர்ந்து, காபி, டீ மற்றும் குளிர்பானங்கள் அருந்துவதற்கு பறவைகளை நேசிப்பவர்கள் மிகுந்த ஆர்வம் காட்டுகின்றனர். ஆந்தைகளின் கண்கள் இருட்டில் மிகவும் பிரகாசமாக தெரியும் என்பதால், உணவகத்தில் மிகக்குறைந்த அளவிலேயே வெளிச்சம் இடம்பெற்றுள்ளது. ஆந்தையுடன் ஒருமணிநேரம் கழிப்பதற்கு, சுமார் 20 அமெரிக்க டாலர்கள் கட்டணமாக வசூலிக்கப்படுகிறது.