அண்மையில் வெளியான ஹாலிவுட் திரைப்படங்களில் Rio-2 என்ற 3D அனிமேஷன் திரைப்படம் வசூலை வாரிக்குவிக்கிறது.

Rio-2, Oculus, Draft Day, Captain America-the Winter Soldier, Noah, Divergent ஆகிய ஹாலிவுட் திரைப்படங்கள் அண்மையில் வெளியாகின. இதில், Captain America-the Winter Soldier திரைப்படம் வசூலில் முன்னணியில் இருந்தாலும், முப்பரிமாண அனிமேஷன் திரைப்படமான Rio-2 தற்போது வசூலை குவித்து வருகிறது. அமேசான் காடுகளில், நாட்டு விலங்குகளுடன் கைகோர்க்கும் காட்டு விலங்குகள் நடத்தும் கேளிக்கை நிறைந்த கதையே Rio-2 திரைப்படமாகும். திகில் படமான Oculus, கால்பந்து வீரரின் கதையை சொல்லும் Draft Day, இரண்டாம் உலகப்போரில் பங்கேற்ற வீரரின் கதையை விளக்கும் Captain America-the Winter Soldier, பைபிளில் குறிப்பிடப்படும் இறைத்தூதர் Noah-வின் பெருமை பேசும் Noah திரைப்படம், அதிரடி சண்டைக் காட்சிகள் நிறைந்த Divergent திரைப்படங்களும் வசூலை குவித்து வருகின்றன. இதனிடையே, புதிய ஸ்பைடர்மேன் திரைக்கதையான The Amazing Spiderman-2 திரைப்படத்தின் முன்னோட்டக் காட்சி லண்டனில் நடைபெற்றது. சிறுவயது Spiderman முதல், வாலிப Spiderman வரையிலான தோற்றத்தில் பங்கேற்ற இளைஞர்கள் முன்னிலையில், விழா நடைபெற்றது.