சர்வதேச விண்வெளி ஆய்வகத்திற்கு ரஷ்ய வீராங்கனை எலினா செரோவா பயணம் : 6 மாத காலத்திற்கு பணிகளை மேற்கொள்கிறார்
Sep 27 2014 12:01PM
எழுத்தின் அளவு:
அ +
அ -
அ
சர்வதேச விண்வெளி ஆய்வகத்திற்கு ரஷ்ய வீராங்கனை எலினா செரோவா பயணம் மேற்கொண்டுள்ளார். இதன்மூலம், சர்வதேச விண்வெளி ஆய்வகத்திற்குச் செல்லும் 4-வது பெண் என்ற பெருமையை அவர் பெற்றுள்ளார்.
அமெரிக்கா, ரஷ்யா, ஜப்பான் உள்ளிட்ட 13 நாடுகள் இணைந்து சர்வதேச விண்வெளி ஆய்வு கூடம் அமைத்து வருகின்றன. அதன் கட்டுமான பணிக்காக 6 மாதத்துக்கு ஒருமுறை 3 விண்வெளி வீரர்கள் அங்கு சென்று வருகின்றனர். இந்த நிலையில் கஜகஸ்தானில் பைசாஜர் விண்வெளி தளத்தில் இருந்து ரஷ்யாவின் கோயுஷ் விண்கலம் மூலம் 3 வீரர்கள் விண்வெளி நிலையத்திற்குப் புறப்பட்டுச் சென்றனர். அவர்களில், ரஷ்ய வீரர் Alexander Samo kutyaev, ரஷ்ய வீராங்கனை Elena Serova மற்றும் அமெரிக்க விண்வெளி வீரர் Barry Wilmore ஆகியோர் அடங்குவர். இவர்களில், எலினா செரோவா, விண்வெளி ஆய்வு மையத்திற்குச் செல்லும் 4-வது ரஷ்ய வீராங்கனை என்பது குறிப்பிடத்தக்கது. இவர்களுக்குப் பதிலாக, ரஷ்யாவைச் சேர்ந்த Maxim Suraev, அமெரிக்காவைச் சேர்ந்த Reid Wiseman மற்றும் Alexander Gerst ஆகியோர் பூமிக்குத் திரும்புகின்றனர். சர்வதேச விண்வெளி ஆய்வுமையத்திற்கு தற்போது சென்றுள்ள வீரர்கள் அனைவரும், வரும் 6 மாத காலத்திற்கு அங்கு தங்கி பல்வேறு பணிகளை மேற்கொள்ள உள்ளனர்.