இங்கிலாந்து நாட்டில் நாய்கள் காப்பகம் தீவைத்து எரிக்கப்பட்டதில், 60 நாய்கள் உயிரிழந்தன. இந்த சம்பவம் தொடர்பாக 15 வயது சிறுவனை கைது செய்துள்ள போலீசார், அவனிடம் தொடர்ந்து விசாரணை நடத்தி வருகின்றனர்.

இங்கிலாந்தில் உள்ள மான்செஸ்டர் நகரில் இயங்கி வரும் நாய்கள் காப்பகத்தில் பல்வேறு விதமான நாய்கள் பராமரிக்கப்பட்டு வருகின்றன. இந்தநிலையில், இங்கு வளர்க்கப்படும் நாய்கள் மர்மமான முறையில் உயிரிழந்தன. இந்த நாய்கள் அனைத்துமே தீ விபத்துக் காரணமாக உயிரிழந்தது தெரியவந்தது. இதுதொடர்பாக விசாரணை நடத்தி வந்த போலீசார், மொத்தம் 60 நாய்கள் கொல்லப்பட்டிருப்பதைக் கண்டுபிடித்தனர். இதற்கிடையே விசாரணையை துரிதப்படுத்திய போலீசார் சந்தேகத்தின் பேரில் 15 வயது சிறுவனை கைது செய்தனர். அந்த நபரிடம் தீவிர விசாரணை நடத்தப்பட்டு வருகிறது. உரியநேரத்தில் காப்பகத்திற்கு தீ வைத்த சிறுவன் கைது செய்யப்பட்டதால் மேலும் 150 நாய்கள் உயிர்தப்பின. இந்த நிலையில் அங்கு 5 கோடி ரூபாய் செலவில் மேலும் ஒரு நாய்கள் காப்பகம் கட்ட ஒரு சமூக சேவை நிறுவனம் முடிவு செய்துள்ளது.