எகிப்தில் முக்கிய நகரங்களை தகர்க்க சதித் திட்டம் தீட்டிய தீவிரவாதிகள் 7 பேரை கூட்டுப் படையினர் சுட்டுக் கொன்றனர்.

எகிப்தில் Ansar Bayt Al-Maqudis என்ற தீவிரவாத அமைப்பு, நாசவேலைகளில் ஈடுபட்டு வருகிறது. ஈராக் மற்றும் சிரியாவில் ISIS தீவிரவாத அமைப்புக்கு எதிராக அமெரிக்கா எடுத்து வரும் நடவடிக்கைகளுக்கு எகிப்து ஆதரவு அளிக்க தொடங்கியதையடுத்து, Ansar Bayt Al-Maqudis இயக்கத்தின் செயல்பாடு தீவிரமடைந்துள்ளது. இந்த தீவிரவாத இயக்கத்தினர் பாலைவன நகரமான Suez-ன் அருகேயுள்ள மலைக்குகையில் கூடி எகிப்தின் முக்கிய நகரங்களை தகர்க்கவும், மக்கள் கூடும் இடங்களில் நாசவேலைகளில் ஈடுபடவும் சதித்திட்டம் தீட்டிக்கொண்டிருந்தனர். இதுபற்றி தகவல் அறிந்த ராணுவத்தினரும், தேசியப் பாதுகாப்புப் படையினரும் அங்கு விரைந்து சென்று தீவிரவாதிகளின் மறைவிடத்தை சுற்றி வளைத்தனர். இருதரப்புக்கும் இடையே பல மணிநேரம் சண்டை நடந்தது. இறுதியில் தீவிரவாதிகளில் 7 பேர் சுட்டுக் கொல்லப்பட்டனர். மற்றவர்கள் தப்பி ஓடிவிட்டனர்.