'காந்தி' திரைப்படத்தை தயாரித்து இயக்கியதன் மூலம் 8 ஆஸ்கர் விருதுகளை வென்று உலகப் புகழ்பெற்ற, பிரிட்டிஷ் இயக்குநர் மற்றும் நடிகர் Richard Attenborough நேற்று நள்ளிரவு காலமானார். அவருக்கு வயது 90.

பிரிட்டிஷ் இயக்குநரான Richard Attenborough கடந்த 1982ம் ஆண்டு காந்தி திரைப்படத்தை தயாரித்து இயக்கினார். உலக அளவில் பெரும் மதிப்பையும் வரவேற்பையும் பெற்ற காந்தி திரைப்படம் அவருக்கு சிறந்த இயக்குநர், சிறந்த தயாரிப்பாளர் ஆகிய 2 ஆஸ்கர் விருதுகளைப் பெற்றுத்தந்ததோடு, சிறந்த நடிகர், சிறந்த உடை வடிவமைப்பு உள்ளிட்ட 6 பிரிவுகளின் கீழும் ஆஸ்கர் விருதுகளைப் பெற்றது.

காந்தி படத்தை சிறப்பாக தயாரித்து இயக்கியதற்காக இங்கிலாந்து மகாராணி இரண்டாம் எலிசபெத், Attenborough-க்கு சிறப்பு விருந்தளித்து 'சர்' பட்டம் வழங்கி கவுரவித்தார். Richard Attenborough, ஜூராசிக் பார்க் உள்ளிட்ட பல்வேறு படங்களில் நடித்து புகழ்பெற்றவர். 90 வயதான இவர், உடல்நலம் குன்றியிருந்த நிலையில், தனது லண்டன் இல்லத்தில் நேற்று நள்ளிரவு காலமானார்.