தென் ஆப்ரிக்காவைச் சேர்ந்த காதல் ஜோடி ஒன்று, சிறிய துடுப்பு படகில் ஆப்ரிக்காவிலிருந்து அமெரிக்காவின் New York நகருக்கு, பயணம் செய்து, புதிய உலக சாதனை படைத்துள்ளனர்.

தென் ஆப்ரிக்காவைச் சேர்ந்த Riaan Manser என்ற துடுப்பு படகு செலுத்தும் வீரர் தனது காதலியும், வழக்கறிஞருமான Vasti Geldenhuys என்பவருடன் சேர்ந்து புதிய உலக சாதனை புரிய திட்டமிட்டார். இதற்காக ஆப்ரிக்காவிலிருந்து சீற்றம் மிகுந்த அலைகளைக் கொண்ட அட்லாண்டிக் கடல் வழியாக, அமெரிக்காவின் New York நகருக்கு துடுப்புப் படகில் செல்ல இருவரும் முடிவு செய்தனர். கடந்த டிசம்பர் மாதம் ஆப்ரிக்காவில் உள்ள Morocco நாட்டின் Agadir என்ற இடத்திலிருந்து இருவரும் "The Spirit of Madiba" என்ற துடுப்புப் படகில் தங்களது பயணத்தை தொடங்கினர். மோசமான வானிலை உள்ளிட்ட பல்வேறு இடர்பாடுகளை கடந்து, திட்டமிட்டப்படி அவர்கள் New York நகரை வந்தடைந்தனர். புதிய உலக சாதனை புரிந்த மகிழ்ச்சியுடன் விரைவில் இருவரும் திருமணம் செய்துகொள்ள இருப்பதாக Riaan Manser தெரிவித்தார்.