சென்னை எழும்பூர் - கோடம்பாக்கம் இடையே, 164 ஆண்டுகள் பழமைவாய்ந்த நீராவி இன்ஜின் சிறப்பு ரயில் இன்று இயக்கப்பட்டது.

இந்தியாவில் மிகவும் பழமை வாய்ந்த ரயில்களில் ஒன்றான இஐஆர் 21 என்ற நீராவி இன் ஜின் ரயில் சுமார் 55 ஆண்டு காலம் இந்திய ரயில்வேயில் போக்‍குவரத்துக்‍கு பயன்படுத்தப்பட்டது. காலப் போக்‍கில் அதன் பயன்பாடு குறைந்ததால், அருங்காட்சியத்திற்கு கொண்டு செல்லப்பட்டது. சென்னை கொண்டுவரப்பட்ட இந்த ரயில் ஒவ்வொரு ஆண்டும் இரண்டு முறை போக்‍குவரத்துக்‍கு பயன்படுத்தப்படுகிறது. 40 பேர் பயணம் செய்யக்கூடிய இந்த நீராவி ரயில் சென்னை எழும்பூரில் இருந்து கோடம்பாக்கம் வரை இன்று இயக்கப்பட்டது.

இந்த பாரம்பரிய இன்ஜின் ரயிலில் ஒருமுறை பயணம் செய்ய சிறுவர்களுக்கு ரூ.300, பெரியவர்களுக்கு ரூ.500 எனவும், வெளிநாட்டு சுற்றுலாப் பயணிகளுக்கு ரூ.1,000 எனவும் கட்டணம் வசூலிக்கப்பட்டது. அதோடு பயணிகளுக்கு மலர்கள் மற்றும் இனிப்புகளும் வழங்கப்பட்டன. இதில் சுற்றுலா பயணிகள், சிறுவர் சிறுமியர் உள்ளிட்டோர் உற்சாகமாக பயணம் செய்தனர்.