கோவை மாவட்டம் பொள்ளாச்சி அருகே, குடியிருப்பு பகுதிக்குள் நுழைந்துள்ள ஒற்றை யானை "அரிசி ராஜா"வை விரட்ட முடியாமல் வனத்துறையினர் திணறி வருகின்றனர்.

பொள்ளாச்சி அடுத்துள்ள உள்ள நவமலை மற்றும் அர்த்தனாரி பாளையம் பகுதியில், ஒற்றை யானை ஒன்று கடந்த 6 மாதமாக சுற்றித்திரிந்து வருகிறது. குடியிருப்புப் பகுதிகளில் புகுந்து அரிசியை தின்றுவந்ததால் இந்த யானைக்கு" அரிசி ராஜா என பெயர் வைக்கப்பட்டது. இந்த யானை தாக்கியதில், கடந்த மே மாதம் 2 பேர் உயிரிழந்த நிலையில், நேற்று முன்தினம் ராதாகிருஷ்ணன் என்ற விவசாயியும், மூதாட்டி ஒருவரும் உயிரிழந்தனர். யானையைப் பிடிக்க வேண்டும் என்று கிராம மக்கள் கோரிக்கை விடுத்ததைத் தொடர்ந்து, 2 கும்கி யானைகள் வர வைக்கப்பட்டன. அர்த்தனாரி பாளையம் பகுதியில், தொடர்ந்து மழை பெய்ததால், யானையை பிடிக்கும் பணியில் தொய்வு ஏற்பட்டது. யானையை மயக்க ஊசி செலுத்தி பிடிப்பதற்காக, வனத்துறையினரும் கால்நடை மருத்துவர்களும் அப்பகுதியில் குவிக்கப்பட்டுள்ளனர்.