கன்னியாகுமரி மாவட்ட ஆட்சியர் அலுவலகத்தில் பெண் ஒருவர் தீக்‍குளிக்‍க முயற்சித்த சம்பவம் பரபரப்பை ஏற்படுத்தியது.

கன்னியாகுமரி மாவட்ட ஆட்சியர் அலுவலகத்தில் மக்கள் குறை தீர்க்கும் நாள் கூட்டம் நடைபெற்றது. அப்போது பேச்சிப்பாறை பகுதியை சேர்ந்த சீதா என்ற பெண் உடலில் மண்ணெண்ணெய் ஊற்றி தற்கொலைக்‍கு முயன்றுள்ளார். ​இதைப் பார்த்த போலீசார் உடனடியாக செயல்பட்டு அந்தப் பெண்ணை காப்பாற்றினர். முதற்கட்ட விசாரணையில், பேச்சிப்பாறை ஊராட்சி மன்ற முன்னாள் தலைவரான தி.மு.க.வைச் சேர்ந்த ராஜன் என்பவர் தொடர்ந்து பாலியல் துன்புறுத்தல் கொடுத்துவருவதாக தெரியவந்தது. மேலும், கொலைமிரட்டல் விடுத்து வருவதாகவும், இதுதொடர்பாக பேச்சிபாறை காவல் நிலையத்தில் புகார் கொடுத்தும் இதுவரை நடவடிக்கை எடுக்காததால் மாவட்ட ஆட்சியர் அலுவலகத்தில் தீக்குளிக்க முயற்சி செய்ததும் தெரியவந்துள்ளது. உடலில் மண்ணெண்ணெய் ஊற்றிய நிலையில் சீதாவை மீட்ட காவல்துறையினர் அவரிடம் தொடர்ந்து விசாரணை நடத்தி வருகின்றனர்.