தமிழகத்தில் 11 மற்றும் 12 ஆம் வகுப்பு பாடத்திட்டம் மாற்றம்- 6 பாடங்களுக்கு மாற்றாக 5 பாடங்கள் மட்டுமே இருக்கும் என தமிழக அரசு அறிவிப்பு
Sep 19 2019 9:32AM
எழுத்தின் அளவு:
அ +
அ -
அ
தமிழகத்தில் +1 , +2 வகுப்புகளில் 5 பாடங்கள் மட்டுமே இடம்பெறும் திட்டம், வரும் கல்வியாண்டிலிருந்து செயல்படுத்தப்படுமென தமிழக அரசு அறிவித்துள்ளது. ஏற்கனவே அமலில் உள்ள 6 பாடத்திட்டமும் நீடிக்கும்.
மாணவ மாணவியரின் உயர்கல்வி மற்றும் வேலை வாய்ப்புக்கு உகந்ததாகவும், அவர்களின் மன அழுத்தத்தை குறைக்கும் வகையிலும், 5 பாடங்கள் மட்டுமே கொண்ட புதிய பாடத்திட்டம் 2020-21-ம் கல்வியாண்டு முதல் அமலுக்கு வரும். இதில் 2 மொழிப்பாடங்களும், 3 முதன்மை பாடங்களும் அடங்கும். இத்திட்டத்தில் 500 மதிப்பெண்களுக்கு மட்டுமே தேர்வுகள் நடைபெறும். ஏற்கனவே அமலில் உள்ள 2 மொழிப்பாடங்கள் மற்றும் 4 முதன்மைப்பாடங்கள் என 6 பாடங்களுடன் கூடிய திட்டமும் நீடிக்கும். இவற்றில் ஏதேனும் ஒரு பாடத்திட்டத்தை மாணவ மாணவிகள் தேர்வு செய்து கொள்ளலாம் என்றும் தமிழக அரசு இன்று வெளியிட்ட அரசாணையில் தெரிவிக்கப்பட்டுள்ளது.