தொழிலாளர் வருங்கால வைப்பு நிதிக்கான வட்டி விகிதம் 8.65 சதவிகிதமாக நிர்ணயம்
Sep 17 2019 4:43PM
எழுத்தின் அளவு:
அ +
அ -
அ
தொழிலாளர் வருங்கால வைப்பு நிதிக்கான வட்டி விகிதம் 8.65 சதவிகிதமாக நிர்ணயம் செய்யப்பட்டுள்ளது.
2018-19ம் நிதியாண்டிற்கான வருங்கால வைப்பு நிதிக்கு 8.65 சதவிகிதம் வட்டி வழங்க, EPFO எனப்படும் வருங்கால வைப்பு நிதி அமைப்பு முடிவு செய்தது. இதற்கு மத்திய நிதியமைச்சகத்தில் ஒரு பிரிவாக உள்ள நிதி சேவைகள் துறை ஒப்புதல் வழங்கியுள்ளது. இதனால், அமைப்பு சார்ந்த தொழில் நிறுவனங்களில் பணியாற்றும் சுமார் 6 கோடிக்கும் மேற்பட்ட தொழிலாளர்கள் பயன்பெறுவர் என தெரிவிக்கப்பட்டுள்ளது.
2015-16 நிதியாண்டில் 8.8 சதவிகிதமாக இருந்த இ.பி.எஃப். வட்டி விகிதம், 2016-17 நிதியாண்டில் 8.65 சதவிகிதமாக குறைக்கப்பட்டது. இது மேலும் குறைக்கப்பட்டு, 2017-18 நிதியாண்டில் 8.55 சதவிகிதமாக இருந்தது. இந்நிலையில், 2018-19ம் நிதியாண்டிற்கான வருங்கால வைப்பு நிதிக்கு 8.65 சதவிகிதம் வட்டி வழங்கப்படவுள்ளது.