மாண்புமிகு முதலமைச்சர் அம்மாவை, தொடர்ந்து அவமரியாதை செய்துவரும் எடப்பாடி பழனிசாமி அணியினர், இன்று அம்மாவின் சிலை திறப்பு என்ற பெயரில் மீண்டும் ஒரு அவமரியாதையை செய்துள்ளனர். இச்சம்பவம் அம்மாவின் உண்மையான விசுவாசிகளுக்‍கும், தொண்டர்களுக்‍கும் மீண்டும் மனவேதனையை ஏற்படுத்தியுள்ளது.

மாண்புமிகு அம்மாவின் திருவுருவத்திற்கு சிறிதும் பொருத்தம் இல்லாத ஒரு சிலையை ஏற்கெனவே ஒருமுறை திறந்து அவரை அவமானப்படுத்தியது எடப்பாடி பழனிசாமி கோஷ்டி. இதற்கு கழக தொண்டர்கள் மட்டுமின்றி, நடுநிலையாளர்களும் கடும் கண்டனம் தெரிவித்திருந்தனர். இதனைத் தொடர்ந்து, 2-வது முறையாக உருவாக்‍கிய சிலையை திறக்‍கும் நிகழ்ச்சியின்போதும், அம்மாவுக்‍கு அவமரியாதை செய்துள்ளனர். நவீன தொழில்நுட்பங்கள் வளர்ந்துள்ள இக்‍காலத்தில், மாண்புமிகு அம்மாவின் சிலை மீது சிறிய வெள்ளை துண்டைப் போர்த்தி, சிலை திறப்பு நிகழ்ச்சியை நடத்தி மற்றுமொரு அவமானத்தை மாண்புமிகு அம்மாவுக்‍கு தேடி தந்துள்ளனர். இந்நிகழ்வு, அம்மாவின் உண்மையான விசுவாசிளுக்‍கும், தொண்டர்களுக்‍கும் வேதனையை ஏற்படுத்தியுள்ளது.