விருதுநகர் மாவட்டம் ஸ்ரீவில்லிப்புத்தூர் அருகே, தென்காசி நாடாளுமன்ற உறுப்பினரை காணவில்லை என்றும், அவரை கண்டுபிடித்து தருபவர்களுக்‍கு தக்க சன்மானம் வழங்கப்படும் என்ற வாசகங்களுடன், இந்தியக்‍ கம்யூனிஸ்ட் கட்சி சார்பில் பிளக்ஸ் போர்ட் வைக்கப்பட்டிருந்தது பெரும் பரபரப்பை ஏற்படுத்தியுள்ளது.

தென்காசி தொகுதியின் நாடாளுமன்ற உறுப்பினராக வசந்தி முருகேசன் தேர்ந்தெடுக்‍கப்பட்டார். கடந்த 2014 ஆம் ஆண்டு தேர்தல் பிரச்சாரத்தின் போது தொகுதிக்குள் வாக்‍கு சேகரிக்‍க வந்த அவர், அதன் பின்னர் தொகுதி பக்கமே வராததால் அப்பகுதி மக்‍கள் பெரும் அதிருப்தி அடைந்தனர்.

இதனிடையே, நாடாளுமன்ற உறுப்பினர் வசந்தி முருகேசனை காணவில்லை என்றும், அவரைக்‍ கண்டுபிடித்து கொடுத்தாலோ அல்லது அவர் இருக்கும் இடத்தை தெரிவித்தாலோ தக்க சன்மானம் வழங்கப்படும் என்ற வாசகங்களுடன் இந்திய கம்யூனிஸ்ட் கட்சி சார்பில், வத்திராயிருப்பு பகுதியில் பிளக்ஸ் போர்டு வைக்கப்பட்டிருந்தது பரபரப்பை ஏற்படுத்தியுள்ளது.