திருச்சி மாவட்டம் மணப்பாறை அருகே கார்வாடியில் செயல்பட்டு வரும் அரசு நடுநிலைப்பள்ளியை தரம் உயர்த்தாத எடப்பாடி அரசைக்‍ கண்டித்து பொதுமக்கள் பேருந்தை சிறைபிடித்து போராட்டத்தில் ஈடுபட்டனர்.

திருச்சி அடுத்த கார்வாடியில் உள்ள அரசு நடுநிலைப்பள்ளியில் நூற்றுக்கும் மேற்பட்ட மாணவ மாணவிகள் பயின்று வருகின்றனர். இப்பகுதியில் உயர்நிலைப்பள்ளி இல்லாததால், மாணவர்கள் அருகில் உள்ள புத்தாநத்தம், வளநாடு, மணப்பாறை ஆகிய பகுதிகளுக்கு சென்று கல்வி பயின்று வருகின்றனர். எனவே, கார்வாடி நடுநிலைப்பள்ளியை உயர்நிலைப்பள்ளியாக தரம் உயர்த்தக்கோரி, இப்பகுதி மக்கள் அரசுக்கு கோரிக்கை வைத்து வருகின்றனர். இந்நிலையில், கடந்த 7-ம் தேதி வெளியிடப்பட்ட தரம் உயர்த்தப்பட்ட பள்ளிகளின் பட்டியலில் கார்வாடி நடுநிலைப்பள்ளியின் பெயர் இடம் பெறவில்லை. இதனால் ஆத்திரமடைந்த பொதுமக்கள் நேற்று மணப்பாறையிலிருந்து கல்லாமேடுக்கு சென்றுகொண்டிருந்த அரசு பேருந்தை சிறைபிடித்து சாலை மறியலில் ஈடுபட்டனர். மேலும், தங்கள் கோரிக்கைகளுக்கு செவி சாய்க்காத எடப்பாடி அரசிற்கும், கல்வித்துறை அதிகாரிகளுக்கும் எதிராக கோஷமிட்டனர்.