பெரம்பலூரில் சிறுமி பாலியல் பலாத்கார வழக்கு- முதியவருக்கு 10 ஆண்டுகள் சிறை
Mar 23 2018 11:55AM
எழுத்தின் அளவு:
அ +
அ -
அ
பெரம்பலூர் அருகே சிறுமியை பாலியல் பலாத்காரம் செய்த முதியவருக்கு, பத்து ஆண்டுகள் சிறை தண்டனை விதித்து மாவட்ட மகிளா நீதிமன்றம் தீர்ப்பு வழங்கியுள்ளது.
பெரம்பலூர் மாவட்டம் கூடலூர் கிராமத்தை சேர்ந்தவர் சிவப்பிரகாசம். 62 வயதான அவர், கடந்த 2016-ம் ஆண்டு அதே பகுதியை சேர்ந்த 13 வயது சிறுமியை பாலியல் பலாத்காரம் செய்துள்ளார். இதுகுறித்து சிறுமியின் தாய் அளித்த புகாரின் பேரில் வழக்கு பதிவு செய்த போலீசார், சிவப்பிரகாசத்தை கைது செய்தனர். இதுதொடர்பான வழக்கு மாவட்ட மகிளா நீதிமன்றத்தில் நடைபெற்று வந்தது.
இந்நிலையில், இந்த வழக்கு மீண்டும் விசாரணைக்கு வந்தது. அப்போது வழக்கை விசாரித்த நீதிபதி, சிவப்பிரகாசத்துக்கு பத்து ஆண்டுகள் சிறை தண்டனையும், 10 ஆயிரம் ரூபாய் அபராதமும் விதித்து தீர்ப்பளித்தார்.