அபுதாபி காவல்படையால் சிறை வைக்கப்பட்டிருக்கும் கன்னியாகுமரி மீனவர்கள் 7 பேரை மீட்க மத்திய, மாநில அரசுகள் நடவடிக்கை எடுக்க வலியுறுத்தல் : மாவட்ட ஆட்சியரிடம் கோரிக்கை மனு அளிப்பு
Jan 23 2018 12:25PM
எழுத்தின் அளவு:
அ +
அ -
அ
அபுதாபி கடலோர காவல்படையால் கைது செய்யப்பட்டு சிறை வைக்கப்பட்டு இருக்கும் கன்னியாகுமரி மாவட்டத்தை சேர்ந்த 7 மீனவர்களை மீட்க மத்திய, மாநில அரசுகள் நடவடிக்கை எடுக்க வலியுறுத்தி, அம்மாவட்ட ஆட்சியரிடம் கோரிக்கை மனு அளிக்கப்பட்டுள்ளது.
கன்னியாகுமரி மாவட்டம் குரும்பனை, கடியப்பட்டனம் மற்றும் குளச்சல் பகுதியை சேர்ந்த 7 மீனவர்கள் கடந்த 17 ஆம் தேதி கத்தார் நாட்டில் இருந்து மீன் பிடிக்க சென்றனர். அப்போது, மீனவர்கள் எல்லை தாண்டி மீன் பிடித்ததாக கூறி, அபுதாபி கடலோர காவல் படையினர் கைது செய்து அங்குள்ள நீதிமன்றத்தில் ஆஜர்ப்படுத்தி, அவர்களது படகிலேயே சிறை வைத்துள்ளனர். இதையடுத்து, பாதிக்கப்பட்ட 7 மீனவர்களின் உறவினர்கள் கன்னியாகுமரி மாவட்ட ஆட்சியர் சஜ்ஜன் சிங் சவானை சந்தித்து கோரிக்கை மனு அளித்தனர்.