நெல்லையில் வ.உ.சிதம்பரம் பிள்ளையின் 81-வது குருபூஜை விழாவில் பங்கேற்று விட்டு சென்னை திரும்பும் வழியில், கழக துணைப் பொதுச் செயலாளர் திரு. டிடிவி தினகரனுக்‍கு, விழுப்புரத்தில் கழகத் தொண்டர்கள் உற்சாக வரவேற்பு அளித்தனர்.

வ.உ.சிதம்பரம் பிள்ளையின் 81-வது குருபூஜை விழாவை முன்னிட்டு, நெல்லையில் உள்ள வ.உ.சி. மணிமண்டபத்தில், அவரது திருவுருவச் சிலைக்‍கு கழகப் பொதுச்செயலாளர் தியாகத் தலைவி சின்னம்மா சார்பில், கழகத் துணைப் பொதுச் செயலாளர் திரு. டிடிவி தினகரன் மாலை அணிவித்து மரியாதை செலுத்தினார்.

இதனைத்தொடர்ந்து, சென்னை திரும்பும் வழியில், கழகத் துணைப் பொதுச்செயலாளர் திரு. டிடிவி தினகரனுக்‍கு, விழுப்புரம் வடக்‍கு மாவட்ட கழகம் சார்பில், ஜானகிபுரம் பைபாஸ் சாலையில் உற்சாக வரவேற்பு அளிக்‍கப்பட்டது. கழக அமைப்புச் செயலாளர் திரு. கணபதி, வடக்‍கு மாவட்டக்‍ கழகச் செயலாளர் திரு. பாலசுந்தரம் ஆகியோர் தலைமையில், கழக நிர்வாகிகளும், தொண்டர்களும் திரண்டு நின்று திரு. டிடிவி தினகரனுக்‍கு சால்வை அணிவித்தும், பெண்கள் ஆரத்தி எடுத்தும் உற்சாக வரவேற்பு அளித்தனர்.