ஆர்.கே.நகர் தொகுதி அ.இ.அ.தி.மு.க. அம்மா வேட்பாளர் திரு. டிடிவி தினகரனை, நாகூர் தர்கா நிர்வாகிகள் சந்தித்து புனிதப் போர்வை வழங்கி, இடைத்தேர்தலில் வெற்றிவாகை சூட ஆசி வழங்கினர்.

ஆர்.கே. நகர் தொகுதி இடைத்தேர்தலில் போட்டியிடும் அ.இ.அ.தி.மு.க. அம்மா வேட்பாளர் திரு. டிடிவி தினகரனை, அவரது இல்லத்தில் இன்று, நாகூர் தர்காவின் கலிஃபா திரு. மஸ்தான் நேரில் சந்தித்து, புனிதப் போர்வையை அளித்து, தேர்தலில் வெற்றிபெற ஆசி வழங்கினார். அப்போது, நாகூர் தர்காவின் நிர்வாகிகள் உள்ளிட்டோர் உடனிருந்தனர். தொடர்ந்து, இளைய தலைமுறை கட்சியின் பொதுச் செயலாளர் திரு. இனியன் ஜான் மற்றும் நிர்வாகிகள், அ.இ.அ.தி.மு.க. அம்மா வேட்பாளர் திரு. டிடிவி தினகரனை நேரில் சந்தித்து, தங்களது ஆதரவை தெரிவித்தனர். ஆர்.கே. நகர் தேர்தலில் திரு. டிடிவி தினகரனின் வெற்றிக்கு அரும்பாடுபடப் போவதாகவும், தி.மு.க.வின் மக்கள் விரோதக் கொள்கையை எடுத்துரைத்து பிரச்சாரம் மேற்கொள்ளப்போவதாகவும் இளைய தலைமுறை கட்சி நிர்வாகிகள் தெரிவித்தனர்.