முதலமைச்சர் செல்வி ஜெயலலிதாவின் உடல்நிலையில் நல்ல முன்னேற்றம் ஏற்பட்டுள்ளது. முதலமைச்சர் நன்றாகப் பேசி வருகிறார் என்றும், முதலமைச்சரின் உடல்நிலையை மருத்துவ நிபுணர் குழு தொடர்ந்து கண்காணித்து வருவதாகவும் அப்பலோ மருத்துவமனை தெரிவித்துள்ளது. முதலமைச்சர், மிக விரைவில் பூரண நலத்துடன் வீடு திரும்பி, தமது வழக்கமான மக்கள் பணிகளை தொடர்ந்து மேற்கொள்வார் என அ.இ.அ.தி.மு.க தெரிவித்துள்ளது.

சென்னை அப்பலோ மருத்துவமனையில் அனுமதிக்கப்பட்டுள்ள முதலமைச்சர் செல்வி ஜெ ஜெயலலிதாவுக்கு தொடர்ந்து சிகிச்சை அளிக்கப்பட்டு வருவதாகவும், சிறப்பு மருத்துவக் குழுவினர் முதலமைச்சரின் உடல்நிலையை தொடர்ந்து கண்காணித்து வருவதாகவும் அப்பலோ மருத்துவமனை தெரிவித்துள்ளது.

ஊட்டச்சத்து சிகிச்சை, உரிய ஊட்டச்சத்து உணவு ஆகியவற்றை, மருத்துவமனையின் ஊட்டச்சத்து நிபுணர் குழுவினர் வழங்கி வருகிறார்கள் - சிறப்பான சிகிச்சைகளைத் தொடர்ந்து, முதலமைச்சர் உடல்நிலையில் மிகுந்த முன்னேற்றம் ஏற்பட்டுள்ளது - முதலமைச்சர் நன்றாகப் பேசி வருகிறார் என அப்பலோ மருத்துவமனை மேலும் தெரிவித்துள்ளது.

முதலமைச்சர், மிக விரைவில் பூரண நலத்துடன் வீடு திரும்பி, தமது வழக்கமான மக்கள் பணிகளை தொடர்ந்து மேற்கொள்வார் என அ.இ.அ.தி.மு.க தெரிவித்துள்ளது.