சத்தியங்கலத்தில் நூல்கோல் அதிக விளைச்சல் கண்டுள்ளதால் விவசாயிகள் மகிழ்ச்சி அடைந்துள்ளனர். முழு மானியம் வழங்கி விவசாயிகளுக்கு துணை நிற்கும் முதலமைச்சர் செல்வி ஜெ ஜெயலலிதாவுக்கு விவசாயிகள் நன்றி தெரிவித்துக் கொண்டனர்.

தமிழகத்தில் இரண்டாம் பசுமை புரட்சியை ஏற்படுத்திய முதலமைச்சர் செல்வி ஜெயலலிதா மானியத்துடன் கூடிய பல்வேறு வேளாண் திட்டங்களை செயல்படுத்தி வருகிறார். இதன் காரணமாக விவசாயிகள் அதிக விளைச்சல் கண்டு லாபம் ஈட்டி வருகின்றனர். இந்நிலையில், ஈரோடு மாவட்டம் சத்தியமங்கலம் அருகே மலைப் பகுதியல் உள்ள கிராமங்களில் சுமார் 50 ஏக்கர் பரப்பளவில் மருத்துவ குணம் கொண்ட நூல்கோல் பயிரிடப்பட்டுள்ளது. 50 நாள் விளைச்சலுக்கு பிறகு அறுவடை செய்யப்படும் இந்த நூல்கோல், தற்போது நல்ல விளைச்சல் கண்டுள்ளது. இதனால் மகிழ்ச்சி அடைந்துள்ள விவசாயிகள், தோட்டக்கலை துறை மூலம் மானிய விலையில் தரமான விதைகள், நூறு சதவீத மானியத்துடன் சொட்டு நீர் பாசன வசதி போன்றவைகளை வழங்கிய முதலமைச்சர் செல்வி ஜெயலலிதாவுக்கு நெஞ்சார்ந்த நன்றியை தெரிவித்துக் கொண்டனர். மேட்டுபாளையம் மற்றும் கேரள மாநிலத்திலிருந்து வரும் ஏராளமான வியாபாரிகள், நூல்கோலை கிலோ 10 ரூபாய் முதல் 30 ரூபாய் வரை கொள்முதல் செய்வதால் விவசாயிகள் மகிழ்ச்சியடைந்துள்ளனர்.