மதுரை கோரிப்பாளையத்தில் வாகனம் ஒன்று நிலைத்தவறி கவிழ்ந்த சம்பவத்தின்போது சிறிதளவு சேதமடைந்த தேவர் சிலையின் பீடம், மாவட்ட நிர்வாகம் மேற்கொண்ட உடனடி நடவடிக்கையால் சரிசெய்யப்பட்டது. எதிர்காலத்தில் இதுபோன்ற சம்பவங்கள் நேரிடாமல் இருப்பதற்காக பீடத்தை உயர்த்தி அமைக்கும் பணியும் நடைபெற்று வருகிறது.

மதுரை கோரிப்பாளையம் பகுதியில் உள்ள தேவர் திருமகனாரின் திருவுருவச் சிலை அமைந்துள்ளது. இப்பகுதியில் லாரி ஒன்று கவிழ்ந்து விழுந்ததில் சிலையின் பீடம் சிறிய அளவில் சேதமடைந்தது. உடனடியாக அதனை சரிசெய்ய மாவட்ட நிர்வாகம் நடவடிக்கை மேற்கொண்டது. மேயர் திரு. ராஜன்செல்லப்பா, மாநகராட்சி ஆணையர் பொறுப்பில் உள்ள சாந்தி மற்றும் காவல்துறை உயர் அதிகாரிகள் சம்பவ இடத்திற்கு விரைந்து நடவடிக்கை மேற்கொண்டனர். இதனைத் தொடர்ந்து, சிலையின் பீடம் சரி செய்யப்பட்டது. மேலும், எதிர்காலத்தில் இதுபோன்ற நிகழ்வுகள் ஏற்படாமல் இருப்பதற்காக பீடத்தை உயர்த்தி அமைக்கும் பணியும் தற்போது நடைபெற்று வருகிறது. இதனிடையே, லாரி கவிழ்ந்த சம்பவம் தொடர்பாக போலீசார் வழக்குப்பதிவு செய்து விசாரணை நடத்தி வருகின்றனர்.