ஸ்கேட்டிங் விளையாட்டில் தருமபுரியைச் சேர்ந்த 5 வயது சிறுமி புதிய சாதனை : பல்வேறு தரப்பினரும் வியந்து பாராட்டு
Aug 13 2015 7:20AM
எழுத்தின் அளவு:
அ +
அ -
அ
தருமபுரியைச் சேர்ந்த 5 வயது சிறுமி, ஸ்கேட்டிங் விளையாட்டில் புதிய சாதனையை நிகழ்த்தியுள்ளார். அவரது திறனை பல்வேறு தரப்பினரும் வியந்து பாராட்டியுள்ளனர்.
தருமபுரியைச் சேர்ந்த திருப்பதி - பதநிஷா தம்பதியரின் ஐந்தரை வயது மகள் ரித்திகா, ஸ்கேட்டிங் விளையாட்டில் ஆர்வம் கொண்டிருந்ததால், அதற்கான பயிற்சியை அளிக்க பெற்றோர் ஏற்பாடு செய்திருந்தனர். இடைவிடாது பயிற்சி மேற்கொண்டு ஸ்கேட்டிங் விளையாட்டில் தேறிய ரித்திகா, தற்போது புதிய சாதனையை நிகழ்த்தியுள்ளார். குறுகிய இடைவெளி உள்ள கம்புகளிடையே அவர் ஸ்கேட்டிங் செய்து 14 மீட்டர் தூரத்தை கடந்துள்ளார். இதன்மூலம், ரித்திகா, சுனில் ஜோசஃப் நிகழ்த்திய சாதனையை முறியடித்துள்ளார். ரித்திகாவின் இந்த சாதனையை அனைத்து தரப்பினரும் வியந்து பாராட்டினர்.