முதலமைச்சர் செல்வி ஜெயலலிதா உத்தரவுப்படி, தமிழகத்தின் பல்வேறு பகுதிகளில் பள்ளி மாணவ-மாணவியருக்கு விலையில்லா மிதிவண்டிகளும், ஏழை-எளியோருக்கு நலத்திட்ட உதவிகளும் தொடர்ந்து வழங்கப்பட்டு வருகின்றன.

திருவள்ளூர் மாவட்டம் ஆவடி சட்டமன்றத் தொகுதிக்கு உட்பட்ட பருத்திப்பட்டு, தேவி நகர் பகுதிகளைச் சேர்ந்த 3 ஆயிரத்து 604 பயனாளிகளுக்கு விலையில்லா மிக்சி, கிரைண்டர் மற்றும் மின்விசிறிகளை அமைச்சர்கள் திரு. B.V. ரமணா, திரு. S. அப்துல் ரஹீம் ஆகியோர் வழங்கினர்.

கன்னியாகுமரி மாவட்டம் மருங்கூரில் நடைபெற்ற நிகழ்ச்சியில், ஆயிரத்து 236 பயனாளிகளுக்கு விலையில்லா மிக்சி, கிரைண்டர் மற்றும் மின்விசிறிகள் வழங்கப்பட்டன.

விருதுநகர் மாவட்டம் ராஜபாளையத்தில், ஆயிரத்து 613 பயனாளிகளுக்கு விலையில்லா மிக்சி, கிரைண்டர் மற்றும் மின்விசிறிகள் வழங்கப்பட்டன.

இதேபோல் அருப்புக்கோட்டையில், அரசு மற்றும் அரசு உதவி பெறும் பள்ளிகளைச் சேர்ந்த 916 மாணவ-மாணவியருக்கு விலையில்லா மிதிவண்டிகள் வழங்கப்பட்டன.

நீலகிரி மாவட்டம் குன்னூரில் 230 மாணவ-மாணவியருக்கு விலையில்லா மிதிவண்டிகளும், வண்டிச்சோலை, காந்திநகர் உள்ளிட்ட பகுதிகளில், 420 பயனாளிகளுக்கு விலையில்லா மிக்சி, கிரைண்டர் மற்றும் மின்காந்த அடுப்புகளும் வழங்கப்பட்டன. இந்நிகழ்ச்சியில், கழக நிர்வாகிகள் உள்ளிட்டோர் கலந்துகொண்டனர்.