கிருஷ்ணகிரி அருகே துரித உணவகத்தில் சிக்கன் ரைஸ் சாப்பிட்ட 26 பேருக்கு வயிற்றுப்போக்கு : போலீசார் வழக்குப் பதிவு செய்து தீவிர விசாரணை
Sep 21 2023 2:27PM
எழுத்தின் அளவு:
அ +
அ -
அ
கிருஷ்ணகிரி அருகே துரித உணவகத்தில் சிக்கன் ரைஸ் சாப்பிட்ட 26 பேருக்கு வயிற்றுப்போக்கு ஏற்பட்டதால் பெரும் பரபரப்பு ஏற்பட்டுள்ளது. குருபரப்பள்ளியில் இயங்கி வரும் தனியார் தொழிற்சாலையில் வடமாநிலத்தைச் சேர்ந்தவர்களும் பணிபுரிந்து வருகின்றனர். இந்நிலையில், அங்கு பணிபுரியும் ஆனந்த் என்பவர், கிருஷ்ணகிரி கே.தியேட்டர் சாலையில் இயங்கி வரும் சக்தி துரித உணவகத்தில் இருந்து, சிக்கன் ரைஸ் வாங்கிச் சென்றுள்ளார். அதனை தொழிலாளர்கள் சாப்பிட்ட நிலையில், அவர்களில் வடமாநில தொழிலாளர்கள் 26 பேருக்கு வயிற்றுப்போக்கு ஏற்பட்டதாக கூறப்படுகிறது. இதனையடுத்து அவர்கள் கிருஷ்ணகிரி அரசு மருத்துவமனையில் அனுமதிக்கப்பட்டுள்ளனர். இதுகுறித்து குருபரப்பள்ளி போலீசார் வழக்கு பதிவு செய்து விசாரணை நடத்தி வருகின்றனர்.