விழுப்புரம் அருகே மது அருந்தியதை தட்டிக்கேட்ட தந்தையை கொலை செய்த மகன் - தாயாருக்கும் கத்திக்குத்து
Mar 27 2023 6:14PM
எழுத்தின் அளவு:
அ +
அ -
அ
விழுப்புரம் மாவட்டம் செஞ்சி அருகே காலையிலேயே மது அருந்திவிட்டு வந்ததை கண்டித்த தந்தையை, மகன் ஓட, ஓட விரட்டி கத்தியால் குத்திக் கொலை செய்த சம்பவம் பரபரப்பை ஏற்படுத்தியுள்ளது. ஈயகுணம் கிராமத்தைச் சேர்ந்த விவசாயக் கூலித் தொழிலாளி பாலகிருஷ்ணனுக்கு 3 மகன்கள் மற்றும் ஒரு மகள் உள்ளார். இந்நிலையில், இன்று காலை சுமார் 7 மணி அளவில் மகன் சுப்பிரமணியன் மது அருந்திவிட்டு வந்ததால், தந்தை பாலகிருஷ்ணனுக்கும், மகன் சுப்பிரமணியனுக்கும் இடையே தகராறு ஏற்பட்டுள்ளது. இதனால் தந்தை பாலகிருஷ்ணனை துரத்திச் சென்ற மகன், கத்தியால் குத்திக் கொலை செய்தார். மேலும், கணவரை காப்பாற்ற முயன்ற ரங்கநாயகியையும், சுப்பிரமணி கத்தியால் குத்தியதில் அவருக்கும் லேசான காயம் ஏற்பட்டது. இந்த சம்பவம் தொடர்பாக மகன் சுப்பிரமணியனை போலீசார் கைது செய்து விசாரணை மேற்கொண்டு வருகின்றனர்.