மதுரையில் பங்கு வர்த்தகத்தில் மூதலீடு செய்ததில் நஷ்டம் ஏற்பட்டதால் தாய், மகன் விஷம் அருந்தி தற்கொலை செய்துகொண்டனர். மதுரை கரிமேடு காவல்நிலைய எல்லைக்கு உட்பட்ட கோச்சடை பகுதியில் உள்ள மல்லிகை தெருவில் வசித்து வந்த உமாசங்கர் SMJ என்கிற ஷேர் மார்க்கெட் கம்பெனி நடத்தி வருகிறார். தனது தாய் விஜயலெட்சுமியுடன் உமாசங்கர் வசித்து வரும் நிலையில் அவரது அலுவலக ஊழியர்கள் செல்போனில் தொடர்பு கொண்டபோது செல்போன் சுவிட்ச் ஆஃப் செய்யப்பட்டது தெரியவந்தது. இதனால் சந்தேகமடைந்து கரிமேடு காவல்துறையினருக்கு தகவல் அளிக்கப்பட, நேரில் சென்ற போலீசார் கதவை உடைத்துசென்று அறையில் பார்த்தபோது உமாசங்கர், அவரது தாயார் விஜயலட்சுமி விஷம் அருந்திய நிலையில் சடலமாக கிடந்துள்ளனர். இதனையடுத்து இருவரின் உடலை கைப்பற்றி அரசு ராஜாஜி மருத்துவமனைக்கு காவல்துறையினர் உடற்கூராய்விற்காக அனுப்பிவைத்தனர். போலீசாரின் முதற்கட்ட விசாரணையில் ஷேர் மார்க்கெட்டில் முதலீடு செய்ததில் பல லட்ச ரூபாய் வரை நஷ்டம் ஏற்பட்டது தெரியவந்துள்ளது.