திருநெல்வேலி அருகே கல்குவாரியில் நிகழ்ந்த விபத்தைத் தொடர்ந்து, நீதிமன்ற உத்தரவுப்படி அங்குள்ள அலுவலகத்தில் போலீசார் சோதனை நடத்தினர். இதில் முக்‍கிய ஆவணங்கள் சிக்‍கியதாகத் தகவல் வெளியாகியுள்ளது.

நெல்லை மாவட்டம் முன்னீர்பள்ளம் அருகே அடைமிதிப்பான் குளம் கல்குவாரியில் ஏற்பட்ட விபத்து தொடர்பாக, கல்குவாரி நில உரிமையாளர் சேம்பர் செல்வராஜ், அவரது மகன் குமார் ஆகியோர் மீது வழக்குப்பதிவு செய்யப்பட்டுள்ளது. அவர்களின் சொத்துக்‍களை பறிமுதல் செய்வது குறித்து நடவடிக்‍கை எடுக்‍கப்பட்டு வருவதாக மாவட்ட ஆட்சியர் திரு. விஷ்ணு தெரிவித்திருந்தார். இதனிடையே சேம்பர் செல்வராஜ் மற்றும் அவரது மகன் தலைமறைவாகியுள்ள நிலையில், குவாரி அருகில் அவர்களுக்கு சொந்தமான அலுவலகத்தில் அதிகாரிகள் சோதனை செய்தனர். இதில் முக்கிய ஆவணங்கள் சிக்கியதாக கூறப்படுகிறது. இதனிடையே இன்று, திசையன்விளையில் உள்ள சேம்பர் செல்வராஜ் வீடு மற்றும் அவரது மகன் குமார் வீடுகளில் நாங்குநேரி எஸ்பி ரஜத் சதுர்வேதி தலைமை சோதனை நடத்த உள்ளனர்.