சென்னையில், அ.ம.மு.க. பொதுச்செயலாளர் திரு.டிடிவி தினகரனை, பேரறிவாளன் மற்றும் அவரது தாயார் அற்புதம்மாள் சந்தித்து, விடுதலைக்‍காக குரல் கொடுத்ததற்காக நன்றி தெரிவித்துக்‍ கொண்டனர்.

அம்மா மக்‍கள் முன்னேற்றக்‍கழகப் பொதுச்செயலாளர் திரு.டிடிவி தினகரனை, சென்னை அடையாறில் உள்ள இல்லத்தில், பேரறிவாளன் மற்றும் அவரது தாயார் திருமதி.அற்புதம்மாள் சந்தித்தனர். அன்புக்குரிய திரு.பேரறிவாளனையும், அவரது அற்புதத் தாய் திருமதி.அற்புதம்மாளையும் அன்போடு வரவேற்றதாகத் திரு.டிடிவி தினகரன் தனது டிவிட்டர் பதிவில் தெரிவித்துள்ளார். பேரறிவாளன் விடுதலையில் நம்முடைய புரட்சித்தலைவி அம்மா காட்டிய அக்கறை, அதற்காக எடுத்திட்ட முயற்சிகள் ஆகியவற்றிலிருந்து, அ.ம.மு.க. உறுதியான ஆதரவு வரை, அத்தனையையும் அவர்கள் நினைவு கூர்ந்ததாக திரு.டிடிவி தினகரன் குறிப்பிட்டுள்ளார்.

இதனைத் தொடர்ந்து செய்தியாளர்களிடம் பேசிய திருமதி.அற்புதம்மாள், தனது மகனின் விடுதலைக்‍காக குரல் கொடுத்ததற்காக திரு.டிடிவி தினகரனுக்‍கு நன்றி தெரிவித்துக்‍கொண்டதாகக்‍‍ குறிப்பிட்டார்.