அரியலூர் மாவட்டத்தில் கிராம மக்களை அச்சுறுத்தி வந்த முதலை பிடிபட்டது - பத்திரமாக மீட்கப்பட்டு வனப்பகுதியில் விடப்பட்டது
Jul 24 2021 4:29PM
எழுத்தின் அளவு:
அ +
அ -
அ
அரியலூர் மாவட்டம் ஜெயங்கொண்டம் அருகே கிராம மக்களை அச்சுறுத்தி வந்த முதலை பிடிபட்டது.
ஜெயங்கொண்டத்தை அடுத்த குழவடையான் கிராமத்தில் கடந்த ஒரு மாத காலமாக முதலை ஒன்று பகல் முழுவதும் குளத்தில் தங்கிவிட்டு, இரவு நேரங்களில் அப்பகுதியில் உள்ள விவசாய நிலங்களில் சுற்றி வந்தது. இதனால் பொதுமக்கள் இரவு நேரங்களில் வெளியே வரமுடியாமல் அச்சமடைந்தனர். மேலும் ஆடு, மாடு உள்ளிட்ட கால்நடைகளையும் அந்த முதலை இரையாக்கி வந்ததது. இதனையடுத்து, அந்த முதலையை பிடிக்க வேண்டுமென வனத்துறையினருக்கு கிராம மக்கள் கோரிக்கை விடுத்தனர். வனத்துறையினர் தேடுதல் வேட்டை நடத்திய போதிலும் முதலை பிடிபடவில்லை. இந்நிலையில், இளைஞர்கள் மற்றும் மீனவர்கள் உள்ளிட்ட கிராம மக்கள் இணைந்து ஒரு மாதமாக தேடப்பட்டு வந்த நிலையில், விளைநிலத்தில் இருந்த முதலை பிடிபட்டது. இதனை அடுத்து வனத்துறையினரிடம் ஒப்படைக்கப்பட்ட முதலை பத்திரமாக கொள்ளிடத்தில் விடப்பட்டது.